PP, PSOE eta PNVk IRPHa babestu dute Europako araudi berriaren aurrean

EUROPAKO PARLAMENTUAK ERREFERENTZIA-INDIZEEN GAINEKO ARAUDI BERRIA IRPHari APLIKATZEA BAZTERTU DU

PP, PSOE ETA PNVk IRPHa LIBRATZEA LORTU DUTE, BETETZEKO GAI EZ DEN ARAUDI BERRIA EZ BAITZAIO APLIKAGARRI IZANGO

EH BILDU, IU ETA PODEMOSek
KONTROL-NEURRI BERRI HAUEK IRPHari ERE APLIKAGARRI IZATEA DEFENDATU DUTE

IRPHak ZENBAIT KONTRAESAN SORTU DITU TALDEEN BARRUAN, ETA ARAUDI BERRIAREN GAINEKO BOZKETA ATZERATUA IZAN DA, EZOHIKO NEURRI BATEKIN

Donostia, 2015-5-19

Erreferentzia-indizeen «manipulazio arriskua txikitzeko» helburu zehatzarekin datorren araudi berria baten inguruko emendakinak bozkatu dituzte gaur Europako Parlamentuaren osoko bilkuran. Estatu espainiarrean IRPHak kaltetzen dituen 1,3 milioi familiatik gora zeuden araudi berri honengan itxaropena jarrita, bertan ezartzen diren baldintzak betetzen ez dituela eta IRPHa desagerrarazi dezakeelakoan.

Baina milioika herritar horien itxaropena zapuztu du gaur Europako Parlamentuak araudi berriaren aplikazio eremua banku zentralek prestaturiko indizeetara zabaltzeko aukera baztertu duenean. IRPHa, Espainiako Bankuak prestatua denez, araudia betetzetik libre geratuko litzateke ondorioz, nahiz eta bertan ezartzen diren baldintzak betetzeko gai ez izan.

IRPH Stop Gipuzkoa elkarteak agerraldia egin zuen apirilaren 16an Europako Parlamentuan, eta araudi berria banku zentralek prestaturiko indizeei ere aplikatzea exijitu zuen. EH Bildu, IU eta Podemoseko parlamentariek, Europako Ezker Bateratuaren Talde Konfederatuko euren kideekin batera, eskaera hau bultzatu dute gaurko bozketan, emendakin bat aurkeztuaz. Baina emendakin hori erabat baztertua izan da PP eta PSOEren eta euren kide europarren bozekin. PNV eta CiU bezalako alderdiek ere IRPHaren alde egin dute, abusuzko indize hau araudi berritik babestuaz.

Baina Europako Ezker Bateratuaren taldeak aurkezturiko emendakin honen bozketak kontraesanak sortu ditu zenbait talde parlamentarioren barnean. Hori izan daiteke testuaren azken bozketa atzeratu izanaren arrazoia, emendakinak bakarrik bozkatu ondoren. Parlamentuan ez dira ohikoak horrelako neurriak.

Europako Sozialisten talde parlamentarioan zazpi bozka izan dira araudiaren aplikazio-eremua zabaltzearen aldekoak, guztiak ere Espainiako PSOEren parlamentarien artekoak. IRPH Stop Gipuzkoatik hauteskunde kanpaina barruan datorren babes partzial honekin mesfidati gara. Izan ere, alderdi honek behin baino gehiagotan erakutsi digu euren botua erabakigarria ez denean bakarrik babesten dituela gure aldarrikapenak.

Demokrata eta Liberalen taldean ere izan dira araudiaren aplikazio-eremua zabaltzearen aldeko bozak, eta Espainiako parlamentariengandik etorri dira hauek ere: Ciudadanos alderdiko bi kideen eta UPyD-ko kide baten kasua da.

Euren talde parlamentarioekin bat egin ez duten boz hauek izan daitezke araudia aurkezten zuen parlamentariak azken bozketa atzeratzeko eskatu izanaren arrazoia. Ezohiko neurri honek agian denbora irabazi eta talde horien barneko kontraesan horiek isilaraztea izan dezake helburu.

Edozein modutan, IRPH Stop Gipuzkoa elkartea ezkor da eta uste du araudi berria indarrean sartzen denean ez dela IRPHari aplikagarri izango, hori lortzeko aurkezturiko emendakina bozkatu eta baztertua izan baita dagoeneko.

Hala ere, testu berriak IRPHaren eskasiak ikusarazteko balioko du. Izan ere, indize hau ez da Europako araudi berria betetzeko gai, eta aplikagarri ez zaiolako bakarrik libratzen da. Araudi berri honek oso oinarrizko baldintzak ezartzen ditu. Indizea osatzeko erabiltzen diren datuak argitara ematea eskatzen du adibidez, eta IRPHaren kasuan ez da hau betetzen, datuak “sekretuak” direla aitzakiatzat hartuta. Gainera, indizeek merkatuaren errealitatea ordezkatzea eta eskaintza eta eskariaren legearen menpe egotea exijitzen da. IRPHak, bataz besteko ez haztatua denez, negozio-bolumenaren araberako ponderaziorik ez du egiten eta entitate guztiek pisu espezifiko berbera dute bataz bestekoan. Ondorioz, emaitza ez da merkatuaren errealitatearen isla eta ez dago eskaintza eta eskariaren legearen menpe.

Edozein modutan, berriz ere gogorarazi behar dugu dagoeneko indarrean dagoen legedia bera nahikoa dela IRPHa abusuzko izateagatik bertan behera uzteko. Horrelaxe frogatu dute dagoeneko Donostia, Guadalajara eta Bartzelonako Merkataritza Arloko epaitegiek, besteak beste. Horregatik, IRPH Stop Gipuzkoa elkartetik itxaropenerako deia luzatzen diegu kalteturiko familiei. Elkarte honek aurkezturiko auzibide gehienek Espainiako Auzitegi Gorenera helegitea jarria dute, Europar Batasuneko Justizia Epaitegiari aurretiko galdera eginaz gainera. Amore ematetik oso urrun gaude hortaz. Borrokan jarraitzen dugu.

IRPH Stop Gipuzkoak PP, PSOE eta PNVren jarrera baztertu eta EH Bildu, IU eta Podemosen babesa eskertzen du.

10 thoughts on “PP, PSOE eta PNVk IRPHa babestu dute Europako araudi berriaren aurrean

  1. Porque en los debates de tv no se les pregunta a esos partidos por que estan deacuerdo con el irph

  2. Este país es un cumulo de vendidos al servicio del dinero, y esto no lo cambia ni dios, ahora de las 1.3 millones de familias afectadas seguro que tenemos unos cuantos ignorantes que botan a estos vendidos.

  3. 22 años que me quedan de hipoteca, 22 años que voy a estar intentando convencer a la gente de quitar todo su dinero de la banca tradicional. Hay que buscar alternativas y para ello yo actualmente propongo banca ética y crowdlending. He creado este grupo en facebook para dar a conocer el crowdlending. https://www.facebook.com/groups/580828362024364/

  4. Y alguien sabe hasta cuando se pospone la votación del texto? Menudo cachondeo, cuánto pedirán los que seguro contestarán que no? Estamos luchando contra los grandes bancos, y están muy presentes en Europa. Cada euro que me roban de más sale de la cesta de la compra, del material escolar, de los zapatos de mis hijos… Si digo lo que debería hacer me detendrían, así que mejor lo dejo en manos del destino y ojalá mueran de una forma natural todos los responsables de este saqueo, a ver si los sustitutos tienen algo más de corazón.

  5. Malditos traidores,les pagamos para que ayuden a saquearnos que les pongan nomina la banca
    esta to el pescao vendido.

Comments are closed.